Koalicioni për Familjen është një lëvizje politike e re, që synon të mbrojë dhe të promovojë vlerat tradicionale të familjes, duke i konsideruar ato si themeli i shoqërisë. Koalicioni angazhohet për politika që mbështesin familjet, forcojnë sistemin arsimor dhe shëndetësor dhe sigurojnë një ekonomi të qëndrueshme për familjet shqiptare.
Koalicioni për familjen është rezultat i përpjekjeve të shumta nga shumë akterë për probleme të ndryshme shoqërore, grupi i intelektualëve dhe ekspertëve kishin një organizim politik dhe shoqërorë, grupi i deputetëve bënin organizime brenda dhe jashtë Kuvendit për kauzën e familjes dhe këtyre grupeve ju bashkuan edhe partitë, Partia e Drejtësisë dhe AKR. Grupi bashkëdrejtohet nga Eman Rrahmani si përfaqësues i grupit të deputetëve dhe bartës i listës së Koalicionit, Fatmir Smajli si përfaqësues i grupit të intelektualëve dhe ekspertëve, Ferid Agani si përfaqësues i PD dhe Selim Pacolli si përfaqësues i AKR.
Grupi i ekspertëve dhe intelektualëve dhe grupi i deputetëve kanë mbi 2 vite e gjysmë përpjekje me shumë aktorë e faktor politik për tu mobilizuar në mbrojtje të familjes.
Koalicioni për Familjen mbështet vlerat tradicionale të familjes, siç janë martesa midis një burri dhe një gruaje, rritja e fëmijëve brenda familjes, dhe roli i fuqishëm i prindërve në edukimin e tyre. VLERAT TONA JANË: INTEGRITETI, PËRPJEKJA DHE GUXIMI, PROFESIONALIZMI DHE PERFORMANCA, INOVACIONI DHE PLANIFIKIMI DREJTËSIA LLOGARIDHËNIA QËNDRUESHMËRIA
Ne besojmë në individin e lirë, mundësi të barabarta, shoqëri të drejtë, familje të shëndetshme, prosperitet të ndarë, demokraci funksionale, qeverisje të decentralizuar dhe shtet të drejtë. Jemi të shqetësuar për çekuilibër demografik dhe mbështesim veprime për të përmirësuar shkallën e lindjeve dhe për të mbajtur të rinjtë në vend.
Ju mund të na kontaktoni përmes rrjeteve tona sociale, faqes zyrtare të koalicionit apo tek ne si bashkëdrejtues të Koalicionit.
Absolutisht! Ne gjithmonë jemi të hapur për vullnetarë, anëtarë dhe përkrahës të rinj që ndajnë pasionin tonë për të ndërtuar një të ardhme më të mirë. Kontributet tuaja, qofshin ato kohë, aftësi apo mbështetje financiare, janë të paçmuara dhe na ndihmojnë të rrisim ndikimin tonë dhe të arrijmë qëllimet tona. Ju lutem na vizitoni në rr. Bajram Kelmendi në Prishtinë, ose na kontaktoni në numrin tonë të telefonit apo në rrjete sociale, për të mësuar më shumë se si mund të përfshiheni dhe të bëheni pjesë e familjes sonë. Çdo ndihmë është e mirëseardhur dhe bën një ndryshim të vërtetë!
Programi ynë përqendrohet në këto shtatë fusha kryesore: Përkrahja e familjeve dhe rritja e popullsisë Mbrojtja e familjes tradicionale dhe rinisë shkollore Reforma në sistemin shëndetësor Zhvillimi ekonomik dhe ndryshimi i politikave fiskale Drejtësi dhe siguri për qytetarët Përkrahja për personat me nevoja të veçanta dhe pensionistët Energjetika
Ne propozojmë politika që ndihmojnë familjet përmes uljes së tatimeve, rritjes së subvencioneve për prindërit dhe përmirësimit të kushteve të punës për të rinjtë dhe gratë. Stimuj financiarë për lindjet e reja: 500€/muaj për fëmijën e parë, 750€ për të dytin dhe 1000€ për të tretin e tutje, për një periudhë dyvjeçare. Rritjen e shtesave për fëmijë dhe lehtësime tatimore për familjet me më shumë fëmijë. Themelimin e Ministrisë së Familjes për politika më të fuqishme mbështetëse.
Koalicioni do të punojë për një sistem arsimor që promovon vlera tradicionale, edukim cilësor, edukim të lidhur me tregun e punës, njëkohësisht ofron mbështetje për mësuesit dhe nxënësit, duke përfshirë bursat për familjet me të ardhura të ulëta. Ruajtjes së strukturës ligjore të familjes nga ndryshime që bien ndesh me traditat dhe vlerat shoqërore të Kosovës. Ndalimit të çdo lloj propagande gjinore në shkolla që bie ndesh me traditat familjare.
Kjo do të përfshijë masa të tilla si rritja e ndihmës sociale, krijimi i vendeve të punës, dhe programe të tjera mbështetëse.
Ne propozojmë një reformë të plotë në shëndetësi, e cila përfshin: Ndërtimin e një Qendre të re Klinike Universitare të Kosovës (QKUK) me akreditim ndërkombëtar. Themelimin e Universitetit të Shkencave Mjekësore për të përmirësuar profesionalizmin në sektorin shëndetësor. Rritjen e pagave për mjekët dhe infermierët sipas performancës dhe punës natën.
Ne synojmë të krijojmë një ekonomi më të fuqishme dhe më mbështetëse për familjet përmes: Heqjes së tatimit në fitim për eksportet dhe eliminimit të TVSH-së/doganës për lëndët e para që përdoren për eksport. Themelimit të Agjencionit të Eksporteve të Kosovës, i cili do të promovojë produktet vendore në tregjet ndërkombëtare. Krijimit të zonave të lira ekonomike dhe investimeve në infrastrukturë, duke përfshirë rrjetin hekurudhor dhe një port të thatë në Prishtinë.
Ne do të mbështesim këto kategori përmes: Ndryshimit të ligjit për përfshirjen e të gjitha kategorive me aftësi të kufizuara. Stimujve financiarë për prindërit dhe kujdestarët ligjorë të personave me nevoja të veçanta. Pensionimit të plotë pas 40 vitesh pune për meshkuj dhe 35 për femra, ose në moshën 65 vjeç (meshkuj) dhe 60 vjeç (femra). Mundësisë për shfrytëzimin e mjeteve personale në Trust në rastet e martesës, blerjes së banesës ose në rastet e sëmundjeve të rënda.
Në planin tonë energjetik përfshihen: Ndërtimi i Termocentralit të ri "Kosova e Re" me një kapacitet prej 1200 MWh, për të siguruar pavarësinë energjetike të Kosovës. Një plan investimi prej 2.4 miliardë eurosh, i financuar përmes: 200 milionë euro/vit nga buxheti i shtetit për 4 vite. Emetimit të bonove të thesarit për qytetarët dhe mërgatën (200 milionë euro në vit për 4 vite). Investimeve nga Trusti në projekte strategjike (100 milionë euro për 8 vite).
Anëtarësimi është i hapur për të gjithë qytetarët që ndajnë të njëjtat vlera me koalicionin. Ju mund të aplikoni online këtu apo në faqen zyrtare të Koalicionit, në zyrën tonë në rr. Bajram Kelmendi ose të regjistroheni gjatë aktiviteteve tona publike.
Çdokush që mbështet vizionin dhe qëllimet e koalicionit mund të bëhet anëtar. Nuk ka kritere specifike përveçse të përkrahni vlerat e deklaruara të koalicionit.
Ka shumë mënyra për të kontribuar, siç janë vullnetarizmi, donacionet personale, grumbullimi i donacioneve nga dhurues të tjerë, pjesëmarrja në aktivitete, organizimi i takimeve fizike ose virtuale.
Kjo mund të përfshijë mundësinë për të kontribuar në një kauzë që besoni, për të takuar njerëz të tjerë që ndajnë të njëjtat vlera, dhe për të qenë pjesë e një komuniteti aktiv. Anëtarët mund të marrin pjesë aktive në vendimmarrje, të ndihmojnë në organizimin e aktiviteteve dhe të kenë qasje në seminare dhe trajnime mbi politikat familjare.
Informacionet mbi aktivitetet tona do të publikohen rregullisht në faqen tonë zyrtare dhe rrjetet sociale.